Badakizue
zergatik izaten ditugun animaliak etxean? Hori hobeto ulertzeko
istorio txiki bat kontatuko dizuegu.
Orain
dela urte asko, Euskal Herrian, jende gehiena baserrietan bizi zen.
Baserriak oso handiak izaten ziren, bertan familia handiak bizi
zirelako. Etxe berdinean bizi ziren amona-aitonak, gurasoak,
seme-alabak eta izeba edo osabaren bat ere.
Baserrian
egiten zuten lan bizitza aurrera eramateko. Beraiek lortzen zituzten
jango zituzten elikagaiak. Baserri guztietan ez zituzten elikagai
berdinak izaten; horregatik, batzuetan, bizilagunekin trukatzen
zituzten edo, bestela, oinez joaten ziren ondoko herrietara merkatuan
saltzeko.
Baratza
handiak izaten zituzten barazkiak bertan ereiteko.
Zuhaitzak
ere izaten zituzten fruituak izateko, batez ere sagarrondoak,
muxikak, mahatsondoak eta intxaurrondoak.
Honez
gain, beste gauza batzuk jan ahal izateko animaliak izaten zituzten.
Oiloak
izaten zituzten euren arrautzak jateko.
Behiak
izaten zituzten euren esnea edateko eta gazta egiteko.
Ardiak izaten zituzten euren larru eta artilearekin jantzi beroak egin eta neguan hotzik ez izateko.
Txerriak
izaten zituzten txistorra, odolkiak eta beste gauza asko egiteko.
Txakurrak izaten zituzten baserria eta animaliak zaintzeko. Otsoren bat edo azeriaren bat etorriz gero, txakurrak aurre egiten bait zien.
Katuak
izaten zituzten saguak harrapatzeko. Baserriak mendian zeudenez, sagutxo asko sartzen ziren etxeetan janariaren bila.
Gaur
egun ere badaude baserriak eta animalia asko aurkitu ditzakegu
bertan. Hala ere, guk jaten ditugun elikagai gehienak baratze eta
haztegi handietan sortzen dira.
Antzinako
bizimodu honek, animaliak maitatzen eta errespetatzen irakatsi digu,
beraiei esker bizitza hobea bait dugu. Horregatik, gaur egun jendeak
era guztietako animaliak izaten ditu etxean: txakurrak, katuak,
hamsterrak, untxiak...
iruzkinik ez:
Argitaratu iruzkina