Gaur
gorputz adierazpena erabiliko dugu emozioak lantzeko. Atzo egin
zenituzten maskarak erabili ditzakezue honetarako edo beste batzuk
egin. Aurkezten dizuegun ariketa bi animalien arteko eszena txiki bat
egitea da.
Etxabereak
izango gara oraingo honetan, beraz, aukeratu animalia bat. Animalia
horrek egingo lukeena pentsatu behar dugu.
Zer
egingo luke pozik dagoenean? Nola egingo luke barre? Nola egingo luke
salto? Nola egingo luke korri? Nola egingo luke oihu?
Zer
egingo luke haserre dagoenean? Nola egingo luke marmar? Nola ibiliko
litzateke? Nola mugituko litzateke?
Zer
egingo luke aspertuta dagoenean? Lurrean etzango zen ala zutik
geratuko zen? Zerbait egingo zuen? Pentsatzen hasiko zen?
Zer
egingo luke triste dagoenean? Nola egingo luke negar? Nola begiratuko
luke? Nola ibiliko litzateke? Zutik egongo zen ala eserita egongo
zen?
Gauza
asko dira pentsatzeko, baina ez dituzue denak gogoratu behar,
antzerkian nahi duzuena egin dezakezue eta.
Guk
adibide bat eskaintzen dizuegu, baina zuek beste zerbait egin nahi
baduzue, aurrera.
---------------------------------------------------------------------------------------------------------
Animalia
jolasten ari da. Oso pozik dabil, nahi duena egiten ari delako. Barre
egiten du, salto, korri, oihu...
Baina,
beste animalia bat azaldu da bat-batean. Haserre etorri da. Marmarka
dator, eta beko ilun. Zer izango ote du? Auskalo!
Lehenengo
animaliak hau ikusita jolasteari utzi dio. Lagunari begiratzen dio
eta jolastera gonbidatzen du. Denbora luzez aritzen dira jolasean.
Zertan arituko ote dira jolasean?
Hainbeste
jolastu dira, aspertu egin direla. Orduan lurrean eseri eta han egon
dira piska batean.
Haserre
zegoen animalia triste jarri da. Gogoratu du lehenago haserre
zegoela. Zergatik ote zegoen haserre? Negarrez hasi da, lurrera
begira jarri da eta pentsatzeari ekin dio.
Lagunak
muturrarekin laztan egiten dio. Mimoak eman nahi dizkio.
Zer
gertatuko da orain? Hori zuen erabakia da. Gogoratu antzerkian dena
ondo dagoela gure irudimena erabiltzen badugu.
iruzkinik ez:
Argitaratu iruzkina