Etzan
lurrean eta itxi begiak. Orain, imaginatu mendian zaudela. Korrika
ibili zara alde batetik bestera dena esploratzen, eta asko nekatu
zara. Deskantsatzea erabaki duzu eta zelaiean etzan zara.
Hartu
arnasa poliki. Bota arnasa poliki.
Nabaritu
azalean eguzkiaren berotasuna. Goxo-goxo zaude. Eguzkiak bere indarra
ematen dizula nabaritzen duzu.
Hartu
arnasa poliki. Bota arnasa poliki.
Nabaritu
haizearen freskotasuna. Kilima txikiak egiten dizkizu azalean.
Haizeak bere bizitasuna ematen dizula nabaritzen duzu.
Hartu
arnasa poliki. Bota arnasa poliki.
Usaindu
belarrak moztu berria. Oso usain atsegina da. Udaberrian zaudela
ekartzen dizu gogora eta poztu egiten zaitu.
Hartu
arnasa poliki. Bota arnasa poliki.
Entzun
errekaren zurrumurrua. Bere jarioak freskatu egiten zaitu.
Imaginatu bertan sartu eta urarekin jolasean ari zarela.
Hartu
arnasa poliki. Bota arnasa poliki.
Entzun
haizea “firin faran”. Zuhaitzen artean pasatzerakoan, hostoak
mugitzen ditu soinu atseginak sortuz.
Hartu
arnasa poliki. Bota arnasa poliki.
Entzun
txorien txorrotxioa. Eguzkiak ematen dien indarrarekin abesteko gogo
handia dute. Elkarri adeitasunez abesten diote.
Hartu
arnasa poliki. Bota arnasa poliki.
Entzun
erleak hegan. Dantza liraina egiten dute haizearekin jolasean. Lore
bila ari dira eztia egiteko.
Hartu
arnasa poliki. Bota arnasa poliki.
Entzun
arkumea ardi eta ahariari deika. Ardien zintzarriak erritmikoki ari
dira dilin-dalan.
Hartu
arnasa poliki. Bota arnasa poliki.
Entzun
urtxintxak zuhaitz batetik bestera saltoka. Lirainki elkar trukatzen
dituzte adarrak. Jolasean ari dira udaberria dela ospatuz.
Hartu
arnasa poliki. Bota arnasa poliki.
Entzun
beste umeak jolasean. Giro epelaz gozatzen ari dira. Harrietan
igotzen dira salto egiteko, loreak biltzen dituzte, Ikusi makusira
jolasten dira...
Hartu
arnasa poliki. Bota arnasa poliki.
Orain
itzuli etxera. Utzi atzean mendia. Agurtu eguzkia, zuhaitzak, loreak,
eta animailiak.
Hartu
arnasa poliki. Bota arnasa poliki.
Sentitu
non zauden.
Hartu
arnasa poliki. Bota arnasa poliki.
Sentitu
etxeko lurra gorputzarekin kontaktuan.
Hartu
arnasa poliki. Bota arnasa poliki.
Usaindu
etxeko usaina.
Hartu
arnasa poliki. Bota arnasa poliki.
Entzun
etxeko soinuak.
Hartu
arnasa poliki. Bota arnasa poliki.
Poliki
poliki ireki begiak eta ikusi ingurua.
Hartu
arnasa poliki. Bota arnasa poliki.
Egon
lasai etzanda altxatzeko gogoa duzun arte.
Hartu
arnasa poliki. Bota arnasa poliki.
iruzkinik ez:
Argitaratu iruzkina